Correutor ortografico

O Gubierno d’Aragón ofrexe, dende aviento de 2022, un correutor ortografico ta l’aragonés, que se podrá instalar libremén ta correxir cualsequier testo en aragonés escrito en os navegadors web Firefox y Chrome y en l’editor de testos LibreOffice.

Ta ixo, cal instalar l’aplicazión cheneral AnySoftKeyboard en o telefono: https://play.google.com/store/apps/details?id=com.menny.android.anysoftkeyboard

Dezaga d’ixo s’instala o fichero .apk (l’instalador) dende iste link. Podez inviar-lo a la vuestra direzión de correu electronico y se puede ubrir o fichero en o tuyo telefono, Android tos propondrá instalar-tos-lo. Cal estriar o teclau AnySoftKeyboard Aragonés.

Grazias a ista aplicazión cualsequier usuario intresau en escribir en aragonés podrá instalar l’aplicazión en o suyo dispositivo Android. Una vez instalau, l’usuario empezará a escribir en aragonés y veyerá as propuestas d’as palabras que sigan más prebables y pareixidas a lo testo tecliau, fazilitando a escritura en aragonés

teclau predictivo

Asinasmesmo, tamién dende aviento de 2022, ye disposable un teclau predictivo ta l’aragonés ta dispositivos mobils Android. Amás, iste teclau permite a l’usuario utilizar o testo predictivo en cuantos idiomas a la vez.

Iste paquet ye una estensión ta AnySoftKeyboard.

Ta instalar o teclau en o suyo telefono:

1) Instalar l’aplicazión AnySoftKeyboard

2) Instalar o pack aragonés ta AnySoftKeyboard

3) Instalar os atros idiomas que amenesta

4) Activar AnySoftKeyboard:

• Vaiga a os achustes d’o suyo telefono, luego a os parametros d’os idiomas, luego a os parametros d’o teclau, luego a «estriar un teclau».

– Activar AnySoftKeyboard

– Tornar a los parametros d’o teclau

– Triar AnySoftKeyboard

5) Triar os idiomas d’o teclau:

– Vaiga a la configurazión d’AnySoftKeyboard (faiga clic en l’icono de l’aplicazión)

– Vaiga a la chestión d’idiomas, luego a l’activazión de teclaus y idiomas

– Si l’aragonés ye activau, veyerá un símbolo de validazión (✔) en a parte superior d’a imachen d’o teclau. Si no ye asinas, ha de pretar sobre él.

– Autivar toz os de demás idiomas que amenesta y desactivar os de demás.

Puede triar l’idioma cuan siga escribindo o testo. Se puede cambiar d’idioma d’escritura fendo clic en o nombre de l’idioma que apareixe en a esquina superior dreita.

plugin de traduzión automatica ta wordpress

En 2022 s’ha creyau una aplicazión de traduzión automatica de CMS ta wordpress: LinguaPir.

Se trata d’una ferramienta multilingüe que incluye l’aragonés y que permite, una vez instalada como complemento de worpress, traduzir o conteniu d’un puesto web a l’aragonés

Guía d’instalazión (anglés)

barra web descargable

LinguaPir: Ista aplicazión reune os sistemas de traduzión automatica creaus en o proyeuto Interreg Poctefa Linguatec. L’aplicazión permite realizar traduzions d’a web por a cuala yes navegando utilizando, entre atros, dende o castellano a l’aragonés.

A Barra de traduzión automatica ta puestos web se puede descargar dende os siguiens enlazes:

LinguaPir extensión para Chrome:
LinguaPir extensión para Firefox: